ماما ... كلمة واسعة علي أوي ... حصل لي موقف أكد لي إن شخصيتي –و لا مؤاخذة- مش " كوية " طلبت ساندويش من ولعتين ( محل سندويشات) و جالي ساندويش تاني غلط فكلمت المحل عشان يبعت لي واحد بالساندويش اللي طلبته ... فوجئت بالرجل بيقول لي "طب كلي دا و المرة الجاية حنبقي نهتم اكتر من كدة" !!!! و الله العظيم جات له الجرأة يقول لي كدة !!!! فشخط فيه "ان لا طبعا انا عايزة الساندويش اللي طلبته " ... بس واضح ان الرجل فهمني علي طول و عرف ان البقين دول مالهومش أي قيمة و لا حعمل له حاجة لو مجاش ... الظاهر ان صوتي كان باين عليه ان كان قلبي بيدق بسرعة و انا بزعق و اني مش متعودة علي الشخط ... من الاخر يعني بت هفأ مش مهم يدوني حقي لأن مفيش خطر مني....
طيبة ... غلبانة ... المرادفات المؤدبة اللي بيقولها الناس علي الشخصية العبيطة اللي بتتسك علي قفاها كل قلم أوحش من اللي قبله ...صحيح ان الشخصية دي بتبقي مريحة في التعامل و مش بتاعة مشاكل ... و لكن هل دي شخصية تصلح لتربية طفل ؟
أربي كوكو ازاي و انا اذا بعت خسرت و إذا اشتريت إضحك علي ... لو رحت السوق انا الزبونة اللي بيدوها البواقي و يحسبوها بالغالي ... دلوقت انا ماشية و الكتاب " What To Expect : The first Year" في ايدي بيقول لي اتصرف ازاي في أي موقف يحصل لكوكو شهر ب شهر ... طب لما تتم السنة ؟ لما تدخل المدرسة ؟ ازاي حربيها تبقي الشخصية القويمة التي لا تظلم و لا تظلم ؟ ازاي تبقي مؤدبة و نفس الوقت لو حد غلس عليها ازاي ترد و تدافع عن نفسها .. اذا كنت انا شخصيا مش بعرف ارد و لا ادافع عن نفسي ... ماهو فاقد الشي لا يعطيه
ماما التي تعرف كل شئ ... اللقب اللي أمي اخدته عن جدارة ... عارفة كل حاجة من اول مقاس لبسنا اللي بتجيبه بالنظر لحد طبق الاكل اللي اتدلق و مسحناه قبل ما تيجي .. عارفة السر اللي مخبينه عنها و الحاجة الغلط اللي بنعملها من وراها و لو معرفتش تلاقيها لسبب مجهول بتعاملنا بشك و ارتياب و شوية عدائية ... بإختصار قلب المؤمن دليله
مقدرتش اكل الساندويش و لا قدرت ارميه ... فضلت حطاه قدامي كدة رمز لشخصيتي الضعيفة ....رمز لفشلي في تربية كوكو ... ... لحد ما جه ابو كوكو من برة و اكله بالهنا و الشفا و ريحني من عذابي
You live and learn my friend, you live and learn :D
ردحذفSmile and wave boys , smile and wave :D
ردحذفel sara7a ana mesh mot5ayl 7war el delivery da el sara7a bs 3ala fekra da mesh 3alashan sha5seetek da3eefa da 3alashan el 7asal da waka7a bzyada men el sha5s el 2alek kda we b3deeen aslek mesh hat3myly moshkela 3ala sandwich ba2i el 7agat lazem fe kol mawdooo3 byb2a fe bdaya ya3ni awel mara btgyby el labn masalan hatgbeeeeh ya 2ma w7sh ya ema 3`ali we trg3y ts2ali mama fated7ak 3aleeeeky we tetry2 we b3deeen t2ooolek wa7da wa7da 3ala 5bratha we enty tbda2y tet3almy wad7da wa7da.
ردحذفel no2ta el aham eny mesh shayef fa da koloh enek fashalty fe tarbytha 5ales 3ala fekra :D:D:D:D:D: we you are a good mother toool ma enty bt7wly ezay t5ali bentek a7san menek :D:D:D:D:D:D:D 3ala fekra ana 7lmt bkoko :D:D:D:D:D:D:D:D bs kant kbeeera shwaya we btmshy we kant 3arfany ana sa3eed 3ala fekra
Kol sana we entoh taybeeeeeeeeeeeeeeeeeeeeeeeeeeeeen we 3eed sa3eeed isa
It's not that you are naive or stupid! It's the human nature. I belive that it's not the female's nature to be in the "stronger" position. Your interaction with different life scenarios will naturally be in a gentle, mild, calm and tender fashion. Sometimes people abuse this nature. This is when the male's role come. I'm not saying that any of the roles is better, it's just that each one has his own function that is suited to his "structure" if I may call it.
ردحذفThere're always exceptions due to life circumstances, but you should know that if you decided to go with the so-called, strong, or non-naive path, you WILL loose something on the way; The thing that makes you a female at the first place.