الحمل تجربة مخيفة .... اعتقد ان الحمل و الولادة هما اللي الهموا كتاب الرعب بقصص الاستحواذ و المس و سيطرة الكائنات الفضائية علي أجسام البشر ... فكروا معايا كدة ... كائن -فضائي \ شيطاني \ بيبي- دخل جوا جسمي و بيكبر فيه لحد ما سيطر عليه و علي كل تصرفاته ... حاجة مرعبة جدا مش عارفة ازاي الناس بتقبلها بسهولة ... نفس القصة في الرضاعة ... مش قادرة أفهم أزاي الام من دول متقبلة فكرة ان في لبن بيطلع منها عادي كدة... حاجة مقرفة جدا تصرف حيواني غير حضاري بالمرة
تقبل فكرتي الحمل و الرضاعة اخد مني 9 شهور ما بين القراءة و الاكتئاب لحد ما قدرت اغير وجهة نظري من ان في كائن جوايا بيمص شبابي و الحديد و الكالسيوم بتوعي لمخلوق ربنا خلقه جوايا و اختارني عشان ياخد احسن ما عندي زي ما انا أخدت احسن ما عند أمي ... لبيبي جميلة حبتها و مستعدة اعملها أي حاجة عشان تبقي أحسن مني...
و مفيش حاجة أحسن من لبن الام ... دا مش بس كلام امهاتنا أعداء التكنولوجيا ... دا – للأسف – كلام ابحاث جادة استمرت لعشرات السنين عشان يطلعوا بالنتيجة المبهرة دي !!!
اللبن زي ما تقول بيبقي متفصل و مكوناته بتتغير علي حسب احتياجات البيبي( عايز مانجة ياخد مانجة )... و فيه 100 مكون معرفوش يخلقوهم في اللبن الصناعي ... مضمون طبعا انه ما بظش من الحر و لا بينقل أمراض ... اسهل في الهضم و بيمنع ظهور الحساسية... دا غير الاجسام المضادة اللي بتنزل في اللبن و بتخلي المناعة أقوي و بيبقي اقل قابلية لزيادة الوزن و نسبة ذكائه أعلي و اهدي من البيبي اللي بياخد ببرونة
كل الكلام دا خللاني أقاوم قرفي و ادي الرضاعة فرصتها ( و مع انها مجاتش بسهولة) بس ما كنتش اقدر – بقلب مستريح- احرم كوكو من رزق ربنا بعتهولها عن طريقي و مليش فيه يد ...دا غير ان دي فرصتها الوحيدة تاكل أكل نضيف لا هو متسرطن و لا مرشوش و لا مزروع بمية مجاري !!!
الالتزام الاجباري اني مصدر الاكل الوحيد و محدش يقدر يحل مكاني (اد ايه انا مهمة!! ) خللي في بيني و بين كوكو مع الوقت ارتباط غريب قوي اعتقد ان هو دا اللي بيقولوا عليه الأمومة
"صُنْعَ اللَّهِ الَّذِي أَتْقَنَ كُلَّ شَيْءٍ"
Dear Mommy Eng. :)
ردحذف5odeeha k2nha new sanwyya 3amma
men 7ees enha santeen 7aml w rda3a enty msh free fehom..
w b3den ur set free.. w back to ur normal.. outgoing life ..
chill b2a.. (K) w try to satisfy urself indoors with a new hobby or an old interest tht u nvr had time or ta2atan to do before,,
btw,, i dun think tht the breast-feeding thing is disgustig.. it might be bothering for u.. bs men el n7yya el mogarada..
it's totally emotional and beautiful when u think of it..
keep up the good posts.. but write more often plz.. we're waiting :)